Banville conversará na Selic, en Santiago, sobre a súa personalidade literaria diferenciada

A Selic contará na súa penúltima xornada cun dos autores máis importantes en lingua inglesa vivos, John Banville. A partires das 20 horas achegará os seus últimos traballos, tanto dentro do ámbito da xénero criminal («Quirke en San Sebastian»), como fóra deste («Las singularidades»). Así, os asistentes poderán coñecer mellor os mecanismos da escrita deste autor cunha personalidade literaria diferenciada: o propio Banville e Benjamin Black, nome co que o gañador do Premio Príncipe de Asturias asina as súas obras de novela negra.

Pero nesta xornada, na que o Festival da Lectura abre tanto pola mañá como por la tarde na praza da Quintana, haberá moitas actividades máis. Ás 12 comezará unha sesión de contos infantís para celebrar o aniversario de grúfalo da man de Olaia Otero. Unha hora despois tomará o testemuño Iria Pinheiro noutra sesión para os máis pequenos. Para adultos, ás 12 horas, haberá un club de lectura de Lila de Lilith. Despois, ás 13 horas, Miguel Barrero presenta a obra «La otra orilla».

Pola tarde, as actividades comezarán cun paseo tras os pasos de «Crime en Compostela» (16.30 horas). Despois, ás 18 horas, terá lugar unha conversa sobre festivais negros. Unha hora despois os protagonistas serán os detectives de ficción. Xa para despedir, ás 21 horas, haberá unha dramatización da obra detectivesca de Fernando Pessoa. Ademais, Sabela Sen asinará libros (18 horas).

---

---

---