As subvencións, cun importe de 10,3 millóns de euros, permitirán intervir nunhas 5.600 hectáreas de monte
23 sep 2019 . Actualizado a las 15:04 h.Un total de 424 propietarios de monte serán beneficiarios das axudas para accións silvícolas de prevención dos danos causados aos bosques por incendios, desastres naturais e para o incremento da capacidade de adaptación e do valor ambiental dos ecosistemas forestais. Polo menos é o que publica a resolución da Dirección Xeral de Planificación e Ordenación Forestal da Consellería de Medio Rural que recolle o Diario Oficial de Galicia (DOG). As achegas, que están cofinanciadas polo Fondo Europeo Agrícola de Desenvolvemento Rural (Feader), ascenden a uns 10,3 millóns de euros.
Os beneficiarios destas axudas son marioritariamente comunidades de montes veciñais en man común (346), seguido de propietarios particulares de forma individual (64) e das Sociedades de Fomento Forestal (Sofor) ou outro tipo de sociedades e agrupacións de propietarios particulares formalmente constituídas e inscritas no Rexistro de Asociacións da Xunta (14).
As axudas corresponden a dúas liñas de axudas. A primeira é a realización de tratamentos de selvicultura para previr os lumes. A segunda está relacionada con plantacións para incrementar o valor ecolóxico do monte.