A Festa Mariñeira enchará a vila cambadesa de actividade esta fin de semana
CAMBADOS
![](https://img.lavdg.com/sc/AnPMVkGdxT3P_zmuXXn-gLg0Gi4=/480x/2024/06/26/00121719423841788707575/Foto/A_20230923_181201003.jpg)
Visitas guiadas, o Memorial Tito Silva, concertos... A programación é ampla e variada
27 jun 2024 . Actualizado a las 05:00 h.Esta fin de semana, Cambados estará máis que nunca á beira do mar. Ese é o lema da Festa Mariñeira que organizan o Concello e a asociación Vela Tradicional. A actividade arrinca este venres, ás catro da tarde, cunha ruta do marisqueo guiada por Guimatur. A expedición sairá da escada de San Tomé e as persoas que participen estarán de volta con tempo suficiente para non se perder o documental Mariscadoras, unha xeración sen relevo, de Fabio Fraga, que se proxectará no Salón Peña ás 21.30 horas. O sábado o programa é máis longo: arranca cunha ruta polo patrimonio etnográfico de Cambados e seguirá co encontro de embarcacións tradicionais-Memorial Tito Silva, a mediodía. Ás 12.30, na praza do Con, haberá unha degustación de ostras e música. Un xantar mariñeiro na de Peña, dará paso a unha tarde de navegación e pola noite, concertos na praza do Con da man de Blues do País, Sindicato da Verbena e Cuernicornios.