Acisclo Manzano, Rosario Álvarez, José Manuel Piñeiro, Mario García e Pili Pampín son os distinguidos deste ano
16 may 2024 . Actualizado a las 05:00 h.Hoxe • Salón nobre do castelo de Castro Caldelas • 18.00 horas • O Concello de Castro Caldelas entrega os premios do Foro do Bo Burgo, que nesta segunda edición destacan ao escultor Acisclo Manzano, á presidenta do Consello da Cultura Galega, Rosario Álvarez, ao presentador José Manuel Piñeiro, ao deputado no parlamento de Cataluña Mario García e á cantante Pili Pampín.
Todos eles recibirán un cadro da artista Maite Vázquez.
Inicialmente estaba previsto que o acto se celebrase na igrexa de Santa María do Bo Burgo, como así se fixo na primeira edición o pasado mes de novembro, pero trasladouse de ubicación pola previsión de mal tempo.
O acto estará amenizado pola cantante AriMagritte e rematará cun viño da Ribeira Sacra, petiscos e bica manteigada.