Xa están á venda anticipada as entradas para os concertos de Habana Blues e Luz Casal
PONTEVEDRA
Hoxe poñense a venda anticipada as entradas para asistir aos últimos concertos do ciclo Con voz propia. Trátase de tres actuacións, concretamente o grupo cubano Habana Blues, que estará o sábado 21 de outubro; Nova Galega de Danza, o 28 dese mesmo mes, e Luz Casal, o 18 de novembro, que chega coa súa xira Pequenos, medianos e grandes éxitos. Todos intervirán no auditorio do Pazo da Cultura. Estas actuacións enmárcanse na terceira edición do ciclo Con voz propia, programado pola Concellaría de Cultura en colaboración coa Fundación Caixa Galicia e que pretende achegar distintas propostas musicais que teñen na voz a súa sinal de identidade. As persoas interesadas poden acceder ás entradas a través do teléfono 902???434???443 ou da web www.caixagalicia.es. Os prezos que rexerán para as actuacións son de 10 euros para os concertos de Habana Blues e de Luz Casal, e 6 euros para Nova Galega de Danza. O prezo en despacho de billetes o mesmo día do concerto será de 12 e 8 euros, respectivamente.