22 mar 2025 . Actualizado a las 05:00 h.
Organizado pola Libraría Miranda, este sábado desenvolverase a presentación do libro As horas mortas, de Emma Pedreira, no Centro Social do Mar de Bueu. Están previstas as intervencións de Míriam Ferradáns e Daniel Chapela, ademais da propia autora. «Concibido como unha guía de lugares mais tamén como un compendio de historias para ler desde o sofá, este libro percorre unha pequena parte dos máis de 3.600 cemiterios da nosa comunidade autónoma, desde o histórico Santo Amaro ata un dos cemiterios máis pequenos do mundo», destacaron, ao tempo que precisaron que Emma Pedreira «viaxa, ás veces soa e outras acompañada por persoeiros vencellados ao cemiterio que visita».