Corme, Traba ou Canduas son algunhas das localizacións que figuran no videoclip de «Autóctono», do coruñés Carlos Ares
11 dic 2024 . Actualizado a las 21:31 h.As paisaxes, os oficios e as xentes da Costa da Morte servíronlle ao cantautor coruñés Carlos Ares para reflectir un sentimento de galeguidade no seu último lanzamento musical, Autóctono. O videoclip, gravado con Taro Recordings, foi filmado en lugares da bisbarra como Corme, Canduas, Traba ou Langueirón, e con colaboracións como a das redeiras Illa da Estrela, a panadaría A Carballa ou o carpinteiro de ribeira Martín Senande.
A peza, que acumula miles de reproducións nas plataformas dixitais, inspirouse nas localizacións da obra Galicia latente, de Eduardo de Martís, un libro con máis de 230 instantáneas tomadas en 140 municipios galegos. A praia e o paseo de Traba, a ribeira de Cabana ou a zona portuaria de Corme son algúns dos espazos recoñecibles no vídeo deste produtor, compositor e intérprete, que lanzou este ano o seu primeiro disco, Peregrino.