Yolanda Castaño presenta en Pontevedra a obra coa que gañou o Premio Ramón Piñeiro de Ensaio

Esta tarde, a partires das 19 horas, Yolanda Castaño visitará Cronopios de Pontevedra para presentar o seu primeiro ensaio Economía e poesía. Rimas internas. Esta obra acadou, o pasado decembro, o Premio Ramón Piñeiro de Ensaio convocado pola Xunta de Galicia e a Editorial Galaxia co apoio de Caixa Rural Galega na súa vinte e dúas edición.

O secretario xeral da Lingua, Valentín García, destacou a capacidade de Castaño para abrir un debate sobre a profesionalización neste eido. Ao tempo, remarcou «a dignificación dos traballadores da palabra» facendo fincapé na aposta do Goberno galego para promover propostas, como este galardón, que axuden aos autores a potenciar as súas carreiras profesionais.

Castaño falará coa xornalista Susana Pedreira sobre a crítica que fai dos «procedementos dos diversos axentes do sistema cultural, tendentes á desprofesionalización do oficio de autora e a minusvalorización do traballo».

---

---

---